Москваялда Москворецкалъул КIудияб кьода Борис Немцов чIвараб бакIалда цIидаса хвезабун буго халкъияб мемориал. Гьелъул жавабчилъи цIидаса жиндего тIаде босун буго «ГIурусазул эркен гьариялъул багъа-башари SERB» абураб гIуцIииялъ. Мемориал биххизабун чанго сагIтидаса, гьеб цIидаса гIуцIун буго гIадамаз.
Халкъияб мемориал биххизабуна чанго нухалда. Гьенир лъурал тIугьдул, хIеялъул чирахъал, суратал цо нухалда нахъе ун рукIана Москваялъул коммуниалияб хъулухъалъги.
«ЧIагояб эфиралъул» тадбиралда Россиялъул президент Владимир Путиница I6 апрелалда лъазабун букIана жив данде вугин Борис Немцовасул халкъияб мемориал хвезабиялдейин.