ТIоцебесеб бакIалда улкаялъул экономика цебетIей гуреб тIабигIат цIуни лъолел «гIурчинал» гIуцIабазе бакI гьечIин Росссиялдайин рикIкIунеб буго цо-цояз.
МахIачхъалаялъул тIабигIат цIуниялъул прокуратураялъ лицензиялдаса махIрум гьабун буго Дербенталда бугеб, ралел бакIазе хIалтIизабулеб ралъдал сали бахъулеб фирма.Чанго моцIида жаниб гьелъул хIукматалъе гьабураб зарал бахун буго 20 миллион гъурщиде. Гьединабго кIудияб зарал гьабун буго Хъумторхъала мухъалда сали бахъулел чагIазги.
Исана апрелалъул ахиралда ккун букIараб цIороялъ пихъидаса махIрум гьарурал мухъазда гьоркьоб букIана Унсоколо мухъги. Амма гIадамазул анищ букIана пихъ гьечIониги хургIаги бачIине батилин абураб. Гьеб анищги гIададисеблъун ккана. Гьал къоязда Унсоколо мухъалде бараб горо-цIералъ гъутIбузда хутIун букIарабги хвезабуна, хуринисан бачIиналде букIараб анищги хIорго хутIизабуна.
Самур гIорда лъимкьабулеб станция баялда хурхун бугеб ахIи-хIур жеги лъугIун гьечIо. Бищунго цIакъ гьеб баялде дандечIун ругел МухIарамкент мухъалъул Самур росдал гIадамазда жидерго къеркьей гьоркьобкъотIизе тезе ракIалда гьечIо. Гьединлъидал гьал гIагарал къояз Самур гIорда, рохьалда, гьениб балеб бугеб станциялда хурхарал киналго суалал тIуразелъун гIуцIун буго гьеб росдал жамгIияб шура.
Дагъистаналъул агропромышленнияб комплекс цебетIеялъе нухал ралагьизелъун республикаялъул хIукуматалъул вице-премьер Шарип Шариповас МахIачхъалаялъул Миллияб библиотекаялде ракIарун рукIана муниципалиял гIуцIабазул нухмалъулелги росдал магIишаталъул вакилзабиги.
Хамис къоялда Россиялъул цIех-рехалъул комитеталъ Greenpeace абураб халкъазда гьоркьосеб гIуцIиялъул "Артик Санрайз" абураб гамида вукIарав фотограф Денис Синковасдеги гIунтIизабуна пиратчилъиялъул гIайиб. Гьеб лъазабиялда хадубго баккана цогидаб информацияги, гьеб гамил кинабго командаялде гьединабго гIайиб гIунтIизабиялъул хIакъалъулъ. Greenpeaceалъул россиялъул бутIаялъул юрист Михаил Крейдлиница лъазабухъе, гIайиб гIунтIизабуразе диваналъ бихьизабизе бегьула туснахъалъул 10-15 сон.
Совет Союзалъул заманалъул автомобилазул музей украиналъул Запорожье шагьаралда.
ЦΙунун бугеб тΙабигΙияб территориялда аскΙоб никель бахъиялде данде гьарурал галабазул ахирисеб Воронежалъул ракьалда лъугΙана рагъизе ккеялдалъун.
Чернобылалъул АЭСалда катастрофалъул хIасилазе ликвидация гьабулев вукIана 800 азарго чиясда гьоркьов вукIана Дагъстаналдаса 2600 чиги. Рузман къоялда гьезул нусгогIан чи данделъун вукIана МахIачхъалаялъул Родопалъул бульвар абулеб бакIалда.
Россиялда 2013 сон лъазабун буго экологиялъул ва тIабигIат цIуниялъул сонлъун. ТIадегIанаб пачалихъияб даражаялда кIвар кьолеб буго экологияб ахIвал-хIал квешлъиялде. Амма хIакъикъаталда тIабигIаталъе гIоло пачалихъалъ гьабулеб хIалтIи гIей гьечIеблъун рикIкIунеб буго цо-цо экологаз ва экспертаз. Гьезул пикруялда рекъон гIемерисел унтабазул рахъалъ Дагъистан цебесеб кьерда буго хашаб экологияб ахIвал-хIал букIун.
Дагъистаналда ралел бакIазул бизнес цебетIун букIиналда цадахъго гIемерлъулел руго ралел бакIазе хIажатаб материал хIадурулел бакIазда къанун хвезабиялъул хIажабиги. Каспиялъул рагIаллъабада къанунияб гуреб куцалда сали бахъулеб букIиналъул чанго хIужаби тIатинарун руго МахIачхъалаялъул экологиялда хурхараб прокуратураялъ.
РакIалда вугищ хъахIаб комбинезонги ретIун тIадагьаб аэропланалда хинал улкабазде роржунел къанагIатал къункърабазул тIелалъе бетIерлъи гьабулев Россиялъул президент Владимир Путин? Гьанже гьел къункъраби аэропланалда рекIун тIадруссун руго.
Цойги